Gudoomiyaha maamulka Dowlada Soomaaliya ee magaalada marka ee Gobalka Sh/hoose Axmed Macalin C/raxmaan oo la hadley qaar ka mid ah Idaacadaha Magaalada Muqdisho ayaa waxaa uu aad uga hadley dhibaatooyin ka taagan Magaalada marka ee Gobalka Sh/hoose.
Mas'uulkan oo hadalkiisa wata ayaa waxaa shaaca ka qaadey in tan iyo intii ciidamada Dowlada Soomaaliya iyo kuwa AMISOM ay la wareegeen Magaalada Marka aaney jirin wax ciidamo dheerad ah oo la keeney Magaalada,isagoona sheegay in qaar ka mid ah ciidamadii magaalada la wareegay qaar kooda ay baxeen.
Axmed Macalin waxaa uu tilmaamay in xaalada amaan ee Magaalada Marka ay helis ku jirto oo aaney laheyn Magaalada ciidamo ku filin oo xaqiijiya amaanka xaafadaha,waxaana maamulka Dowlada ee Marka uu ka wal walsan yahay in Marka mar kale ay qabsadaan Shabaab.
Ciidamo tira yer oo isugu jira kuwa Dowlada Soomaaliya iyo AMISOM ayaa lasoo sheegayaa in magaalada daafaheeda ay joogaan,waxaana Gudoomiyaha maamulka marka uu ka codsadey taliyaasha ciidamada Dowlada iney ciidamo kale la keeno Magaalada xaalkeeda cakiran ee Magaalada marka.
Kooxda Shabaab ee Soomaaliya ayaa fursad u tahay hadii magaalada Marka oo qeylo dhaan oo ciidan la'aan kasoo yeereyso aan la geynin ay gacanta u gasho Shabaab maadama deegaano ka tirsan Gobalka Sh/hoos ay maamulaan.