Saddex garaad-laawe iyo hooyo gaajeysan
Ahmed A. Takar
takar77@hotmail.com
Almelo,Netherlands
Luulyo 03 2012
Aqristayaasha sharafta leh Maanta waxaan idiin soo gudbinayaa qiso dhab ah marka dhan laga fiiriyo ,misana duur-xulida oo dadban marka dhan kale laga fiiriyo ,taasoo ka turjumeysa waaqica dhabtaa ee soomaaliya, waxba yaanan idinku badin horu-dhaca ee aan idiin kala baxo idinka iyo sheekada.
Goobtu waa bartamaha magaalada MUQDISHO ee caasimada somaliyed ,goortuna waa subax jimce ah oo ku beegan bishii janaaayo ee sanadkan 2012 waqtigaas oo sida lawada xasuusto ahaa waqtigii abaarta iyo macaluusha badani ka jirtay soomaaliya hadaba qisadan ayaa waqtigaasi waxay dhex-maray HOOYO soomaliyeed oo dhowr iyo konton jir ah oo ka mid ah dadka usoo barakacay MUQDISHO taasoo ay ka muuqato macaluul iyo tabar-daro iyo SADDEX garaad-laawe oo xoogag waaweyn oo xaaraanta , xatooyada iyo xumaantaba meel sare ka gaarey .
Saddexdaan arxan-laawe oo si weyn saaxiibo u ahaa ayaa isugu yimid afaafka hore ee guri dadkii lahaa ka qaxeen oo dhinac ka bur-bursan oo ku yala xaafad ka mid ah xaafadaha caasimada muqdisho, is bariidin kadib ,haddii lawada fariistay oo nin waliba ka sheekeeyey mishinkii amase fal-dambiyeedkii uu xalay soo fulieyey , iyadoo mid waliba kan kale ugu faanayo inuu isagu kaga dheereeyo ugana faro-dhuuban yahay sida wax loo dhaco ,wax loo dilo amase wax leysu daba-mariyo ,ama wax loo fara-xumeeyo.
Iyadoo xaalkoodu halkaas marayo ayaa waxaa kusoo baxday hooyo waayeela oo diif iyo darxumo badani ka muuqato ayna usii dheer tahay gaajo oo socodkuba dhib ku yahay markey aragtay raggaan meesha fadhiya ayey kusoo leexatay iyadoo quud-darayneysa iney gargaar iyo garab ka hesho waxayna ku biloowday hadalkeeda oo si nuxuus uga soo baxayey:”wiilasheydiyoow wax ii dhiiba in ilaahey wax idiin dhiibo”
Saddexdii arxan-laawe oo gacmahoodu aanay u baran iney dad wax taraan iney dilaan mooyaane , dhagahooduna aanay maqal wax dhiibid ,waxay dhacaan mooyaane , indhahooduna aanay arag wax la dhiso ,iney dumiyaan mooyaane.
Ahmed A.Takar
Cabbaar haddii leys fiir-fiiriyey ayey qaateen go,aan aad u fool-xun oo hooyada dhibaateysan aysan kaba filan, go,aankaas oo daba socda doodii iyo faankii dhexdooda ahaa inteysan kusoo bixin hooyadan (quraacda raadineysay ee iyada lafaheeda lagu qadeeyay ) waxay isku raaceen saddexdii mujrim iney duqda ku kala baxaan oo nin waliba soo bandhigo burhaantiisa iyo belaayada uu kan kale dheer yahay iyadoo halka tijaabada (show-ga) ay ku sameynayaana uu yahay hooyo waayeela oo duruuf iyo daniba ay biday in subaxaan saaka ah saddexdan garaad-laawe ee ay arxanka iyo ehelnimada soo biday.
Garaad-laawe kowaad: ayaa soo istaagey una soo dhaqaaqay dhankii duqda isagoo gownaxyada buuraya kuna leh saaxiibadiis : bal fiirsada waxaan dhigo, hooyadii waayeelka aheyd oon dareenba qabin ayuu ku bilaabay feer iyo haraati markii gacmihii daleen ayuu hadana inta bur u qaatay dhulka la dhigay . oo inta saaxiibadiis dib ugu noqday ku yiri haye , maxaad aragteen , mase idiku jiraa nin sideyda oo kale ah
Garaad-laawe 2 :ayaa isna markiisa soo joogsaday isagoo raba inuu show-ga halkiisa kasii wado iskana bareejeeyo arxan-laawii ka horeeyay, wuxuu isa soo dul-taagey duqdii oo natu kasii baxeyo afka iyo sankana dhiig ka socdo markaasi ayuu inta dhar dhigtay bilaabay inuu fara-xumeeyo amase kufsado, isagoo leh saaxiibayaal maxaad aniga iga taqaanaan ,bal saan yeelay ka warama
Garaad-laawe 3: oo doorkiisii la gaaray ayaa soo dul istaagay duqdii waayeelka ahey oo mar hore naftu ka baxday , intuu si aad ah u qoslay ayuu yiri labadiinaba waxba meydaan sameyn aniga qof ila mid ahi adduunka maba jiro ,xagga xagga damiir xumada iyo dadnimo xumadaba .. bal ka warama qoftaan aad sidaan horteyda ku yeesheen ma og tihiin iney hooyadii i dhashay tahy… THE END
Waxaa laga yaabaa in qaar badan oo naga mid ah uu goob-joog u ahaa amase uu maqlay qisooyin badan oo tan la mid ah oo ka dhacay soomaaliya dhowr iyo labaatankii sano ee lasoo dhaafay
Fasiraada qisadan:
Haddaan fasiraad dheeri ah ka bixiyo hooyada dhowr iyo konton jirta ah ee diifta iyo gaajadu heyso waxaa laga wadaa ciidda iyo calanka soomaaliyeed, arxan-laawayaasha amase saddexda garaad-laawena waxaa loola jeedaa hogaamiyaasha iyo siyaasiyiinta isku heysta madax-nimada soomaaliya muddo 21 sano ka badan, iyadoo waxa meesha yaal ay yihiin dad baaba,ay iyo dal bur-buray.
Ugu dambeyn aqristayaasha sharafta leh ayaan u deynayaa iney u kala magacaabaan siyaasiyiinta iyo musharaxiinta iyo hogaamiye diimeedyada amase hogaamiye kooxeedyada Soomaaliyeed doorka ku haboon ee mid waliba ka jilayo qisadaan gaaban …hadaan si kale u iraahdo keebaa no.1 ah keebaase 2 ah amase 3 ah ?
Ahmed A.Takar
takar77@hotmail.com
Almelo,netherlands
Tags: Ahmed A.Takar, Saddex garaad-laawe iyo hooyo gaajeysan
10 Responses for “Saddex garaad-laawe iyo hooyo gaajeysan. W/Q Axmed Takar”
qisadaan waxaa soo diyaariyey ahmed takar Al-shabaab: saddex xaalo kuu daran
05-11-2012 22:14
tixdan aadka u gaaban waxa igu dhaliyey
4.masoo gaadhey godane iyo mansuur oo is wada gaadi
16.masoo gaadhey qubuuraha gar-weyn lagu garaacaayo
Ugu horreyn aan salaamo shabakada caalamigaa ee Marka xiga akhristayaasha sharafta leh idinkuna waad salaaman tihiin.
1. Haddii la dagaalo kuu daran o si degdega ayaad u dareeri ogtihiin Taasina waa mid ay ku caan baxeen Al-shabaabku iney durbadiiba jaanta rogtaan markii ay arkaan ciidan si dhab ah ugu soo duuley weliba ciidamada itoobiya iyadoo markay u soo jiraan ugu yaraan 50 km cagaha wax ka daya .. iyagoo ku af-gobaadsada eelad dagaal baan uga baxnay.. tusaale waxaa kuugu filan .. waqtigii maxkamadaha islaamiga iyo weliba waqtigaan xaadirkaa (Beledweyn,Bay,Bakool) waa yaabe waan jihaadayaa iyo markii colku 50km iisoo jiro ayaan cararayaa ma labo is-qaban kartaa? aaway naftooda haligayaashii aad ku qarxin jirteen dadka somaliyeed ee maatadaa iyo ardeyda aan waxba galabsan , maxay isugu qarxin waayeen ciidamada itoobiya ee ay u carareen?
2.Haddii la doodo kuu daran o culimadiinaa damiino ah Tani waa markhaati ma doonto waayo waxaa culimo iyo mufti idiin ah ragga leh: qofkii xamar ula qaxa naftiisa iyo caruurtiisa waa Gaalo.. amase waxaa culimo idiin ah kuwa leh :alxamdu lilaah waxaan qarxinay ardey iyo odayaal maqaayad fadhiya.. amase kuwa hore idiinku xalaaleeyey dhiigga aqoon-yahanka ,wax garadka iyo culimada somaliyeed .
3.Tan dambe iyo aakhirana kuu daran o dadkaad dishey baa laguu qaban Tani waa tan ugu qatarsan ee khasaare adduun iyo mid aakhiro kulansatay,waayo qofka ku dhabar jabay adduunka camal aan diinta islaamka ku saxneyn ,hadana isla toosan ee u qaba inuu yahay awliyo ilaahey u doortay barakicinta ,arga-gixinta, iyo weliba laynta dadka somaliyeed ee muslimiintaa ,gaar ahaan weliba kuwooda biri-ma -geydadaa ..sida ardeyda ,culimada,aqoon yahanka ,iwm aayadaha quraanka ee ku jira suuratul kahfi ayey ku taal: waxaad dhahdaa ma idiin sheegaa kuwa khasaaro badan xagga camalka.. waa kuwuu dhumay camalkoodu nolosha adduun iyagoo isuna malayn inay camal wanaagsan qabanayaan. Waana tan lagu duceysto : ilaahoow ceeb adduun iyo cadaab aakhiro hanoo kulmin.. Qalinkii:Ahmed A.Takar
Ma soo gaadhey gaban aabihiis gaal ku oranaaya?
tixdan aadka u gaaban waxa igu dhaliyey
inan tiriyo anigoo tix-raacaya gabeygii:
MASOO GAADHEY GAAL IYO WADAAD GAAR U WADA TAAGAN
kaasoo kusoo baxay qaar ka mid ah mareegaha somalida
masoo gaadhey gaban aabihiis gaal ku odhanaaya
1.masoo gaadhey wiil gabana oo caalim garab taagan
2.masoo gaadhey gado yaab leh iyo culimo gaaleynta
3.masoo gaadhey shiikh gafuurka xidhoo aan la garaneynin
4.masoo gaadhey godane iyo mansuur oo is wada gaadi
5.masoo gaadhey al-qaacida oo goysa taladeena
6.masoo gaadhey gurboodkiyo ardada gumacyo loo dhiibo
7.masoo gaadhey guri nabada oo qarax la gaadhsiiyo
8. masoo gaadhey garaadlaawe wada gaadhi miineysan
9. masoo gaadhey dad aan waxba galabsanoo lagu gumaadaayo
10.masoo gadhey gurigii ilaah oo la gabawerayo
11.masoo gaadhey madax gorofsan iyo dhiigga gobo,leyn
12.masoo gaadhey gowraca dadkiyo qoor la kala gooyo
13.masoo gaadhey gaajo nimey dishoo baangad lagu gujeynaayo
14.masoo gaadhey odey soo gotoo ilmada gabax ka siinaaya
15.masoo gaadhey gaban aabihii gaal ku odhanaaya
16.masoo gaadhey qubuuraha gar-weyn lagu garaacaayo
17.masoo gaadhey gaangester jihaad inaku guubaabin
18.masoo gaadhey rakaabkaa bombada lagu gig siinaayo
19.masoo gaadhey geeska afrikoo yurub u goodinaya
20.masoo gaadhey calankan ayan sudhi moosko gudaheeda
July 3, 2012 at 5:34 am
Very good article. Marka kale oo aad qiso midaan lamida aad soqorto waxad kudartaa sadaxda maan laawayaal. Kuwa Ayana damiirka lahayn oo kuwaas maan laawayaaeha ah dhiig & maalba kutaageeray oo Ayana damiir laawayaaeha ah…
July 3, 2012 at 10:17 am
Faroole no.1
Sakiin. no. 2
Afguduud no. 3
July 3, 2012 at 4:29 pm
mansha allah adeer ahmed adam takar runtii isha ayaad ka tuurtay runtii waana qiso dhab ah oo ka hadlaysa waa qicca iyo arinta dhabta ah ee ka jirta wadankena.. illah hakju sharfo adeer and thanks wacyi galintaaada iyo dareensiintaada..
July 3, 2012 at 4:52 pm
Garaad-laawe 1 = Ahmed A.Takar
Garaad-laawe 2 = Ahmed A.Takar
Garaad-laawe 3 = Ahmed A.Takar
Why ? Waxaa dhaqan xumo ah ama xaaraan ah in aad shaqsi walaalkaa ah u gaftid .
Ahmed A.Takar ha moodin in aan kuu gafayo ee waa iga waano